Жоба аясында ғылыми мақала жарияланды
2025 жылдың шілде айының 16-17 күндері Данияда өткен «Foundations and Trends in Research» Халықаралық ғылыми-тәжірибелік конференция жинағында жобаның ғылыми жетекшісі П.Б.Сейітқазы және жобаның аға оқытушысы Ж.Т.Сулейменованың «Цифрлық білімдік ортада студенттердің коммуникативтік мәдениетін қалыптастырудың әдістемесі» тақырыбындағы ғылыми мақаласы жарық көрді.
Мақалада цифрлық білімдік ортада студенттердің коммуникативтік мәдениетін қалыптастырудың әдістемесін дайындаудың маңыздылығы қарастырылған. ЖОО жағдайында студенттердің цифрлық білімдік ортадағы коммуникативтік мәдениетін қалыптастыру үшін элективті оқу курсы, кейстер, ойындар мен жаттығулардан құралған тренинг бағдарламасы, коммуникация модельдері негізінде сапалы қарым-қатынасты құру, ақпаратты сыни талдау және хабарламаны құру іскерлігін қалыптастыруға арналған жұмыс бағыттарын қамтитын әдістеме ұсынылған.
Цифрлық білімдік ортада коммуникативтік мәдениетті қалыптастыру ЖОО-да қауіпсіз цифрлық орта құруға, тиімді коммуникацияның тұрақты дағдыларын дамытуға, студенттердің цифрлық қоғамдағы табысты кәсіби қызметке дайындауға мүмкіндік береді. Цифрлық білімдік ортадағы коммуникативтік мәдениет гуманистік құндылықтарға, коммуникация субъектілерінің өзара құрметі мен олардың тиімді өзара әрекеттесуіне негізделеді. Мақала мазмұнында осы дағды арқылы кадрлық әлеуетті жақсартып, тұлғаралық және топаралық қарым-қатынастағы конфликтілерді азайтып, цифрлық қауіп-қатерге деген төзімділікті, киберқауіпсіздік пен сыни тұрғыдан ойлау дағдыларын арттыруға болады деген қорытынды жасалған.
Мақаланың толық сілтемесі:
Seiitkazy P.B., Suleimenova Zh.T. Methods of formation of students’ communicative culture in a digital educational environment // Publisher.agency: Proceedings of the 10th International Scientific Conference «Foundations and Trends in Research» (July 17-18, 2025). — Copenhagen, Denmark, 2025.-49-54 p. DOI https://doi.org/10.5281/zenodo.16257100 ISBN 978-7-2960-2164-3
