«Педагогика және психология ғылымындағы өзекті зерттеу бағыттары» тақырыбында дәріс оқыды

Л.Н.Гумилев атындағы Еуразия ұлттық университетінің Педагогика кафедрасының профессоры, жоба жетекшісі Сейітқазы Перизат Байтешқызы 2023 жылдың қараша айының 2-сі күні Павлодар мемлекеттік педагогикалық университетінің магистранттары мен докторанттарына «Педагогика және психология ғылымындағы өзекті зерттеу бағыттары» тақырыбында ашық онлайн дәріс оқыды. Дәріс барысында педагогика және психология ғылымындағы өзекті зерттеу бағыттары, атап айтқанда: «Білімді цифрландыру», «Буллинг және кибербуллинг», «Құндылықтар негізінде тәрбиелеу» және «Инклюзивті білім беру» мәселелері төңірегінде құнды ақпараттармен бөлісті. Өз кезегінде, магистранттар мен докторанттар да өз ойларымен бөлісіп, кері байланыс арқылы қойған сұрақтарына жауап алды.